Ruta Tula dianan 14 i 21 di ougùstus.


E aña akí tambe, méskos ku a sosodé for di 1999 sin falta un aña, Plataforma Bèrdat Históriko ta organisá Ruta Tula. E aktividat ta tuma lugá dianan 14 i 21 di ougùstus. Ta un rekorido den konvoi ku ta pasa diferente sitio ku a hunga un ròl importante den e rebelion di 1795. E rebelion mas grandi ku a kuminsá 17 di ougùstus 1975 for di Kenepa, ku Tula na kabes. Na e sitionan akí lo tin dramatisashon ku teater, kanto, baile, deklamashon di Grupo Kara, Anakú Kuumba, Folklóriko Ambiente Kultural (FAK) i Hóben na Timon. Un biaha mas nan lo pone historia biba. Den konvoi e partisipantenan lo haña informashon amplio tokante e lucha di 1795, su kousanan, su transkurso, konteksto internashonal i kiko ta lèsnan ku nos por siña. Tambe lo tin kontamentu di kuenta. Por kumpra karchi na NAAM (Edifisio kaminda antes tabata Biblioteka Públiko) entre 12 pa 4pm. Pa mas informashon por yama 5228141 òf 5158775