Brazil ta alerta pa terorismo durante Olimpiada; 10 persona arestá.


Polis a arestá 10 persona sospechá di ta ligá na un grupo di IS (Islamic State) ku tabata plania un atake terorista durante Weganan Olímpiko. Asina Minister di Hustisia di Brazil, Alexandre de Moraes a konfirmá. E akshon anti terorista tuma lugá den nuebe siudat na Brazil i no a bisa presis riba kiko e atakenan tabata planiá. Segun e korant O Globo, IS a rekrutá e grupo via internèt i un di nan ta menor di edat. Riba internèt e grupo a forma un seshon ku nan a yama “Defensornan di Sharia” i tabata promové intoleransia religioso i radikalismo. Presidente interino, Michel Terner a yama un reunion urgente pa su gabinete atendé e kaso. Servisionan di seguridat na Brazil ta alerta pa kualke menasa rondó di Weganan Olímpiko. Den luna di yüni kaba un grupo brazileño ku a deklará di ta fanátiko di IS a manda un mensahe via “app” den árabe, ingles i portugues pa pidi atenshon pa e weganan. Dia 5 di ougùstus, Weganan Olimpiko ta start.