Situashon finansiero di klínika Capriles ta sigui grave.Klínika Capriles ta den negosashon ku gobièrnu pa yega na solushon pa e situashon finansiero grave dje instituto. Komo konsekuensia ku pa hopi aña no a ahustá tarifanan den e sektor di kuido, klínika Capriles su situashon finansiero a sigui bira mas malu. E peso prinsipal dje debenan, ta relashoná ku primanan di "vut" i “duurtetoeslag” ku e instituto no a paga na e Fondo di Penshun pa su trahadónan. No opstante ku Promé Minister Ben Whiteman a señalá ku tin un diskrepansia den loke e instituto ta haña kompará ku SVB, te ainda nada no a kambia. Ademas gobièrnu no a sigui e rekomendashon di SOAB tampoko, pa subi e tarifanan di 278 pa 340 florin pa dia. Awor e klínika tin miedu ku lo por pone “beslag” riba nan, debí na e situashon finansiero prekario. Sinembargo tin un speransa chikí, debí ku negosashon entre gobièrnu i e klínika ta kanando. [if !supportLineBreakNewLine] [endif]