Obispado mester di sèn pa kaba ku renobashon di algun misa na Kòrsou, Antia i Boneiru. Ku yudansa di Refineria Isla den forma di un donashon supstansial, por a hasi trabounan di renobashon na Basílika di Santa Ana i misa di Santa Famia, pero na final di e trabounan a surgi gastunan imprevisto. Den misa di Santa Famia por ehèmpel mester a renobá hinter e altá, pa motibu di komehein. Iglesia Katóliko awor ta den un situashon finansiero delikado i ta pensa pa bini ku un kampaña grandi pa kolektá sen, pa di e forma ei logra sera e fondonan ku ta falta pa kaba e trabounan di renobashon.