Nicaragua a selebrá 37 aña di revolushon Sandinista.


Miles di nicaragüense a reuní riba Plaza de la Fe Juan Pablo II na Managua, pa rekordá i selebrá ku 37 aña pasá a kaba ku e diktadura di Anastasio Somoza. Un multitut grandi ku a yega kapital for di tur skina di e pais, tabata waya banderanan nashonal, mei mei di festividat i diskursonan. Huntu ku Daniel Ortega, Presidente Nicolas Maduro di Venezuela i Vice-Presidente di Cuba, Miguel Diaz Canel tambe a presensiá e aktonan ofisial. “Awe nos ta konmemorá un gesto heroiko, un ehèmpel di dignidat ku a habri un era nobo pa hustisia i libertat den hinter América Latina”, asina Salvador Sánchez Cerén di El Salvador a bisa durante su diskurso. Riba 19 di yüli 1979 tabata e último dia ku famia Somoza tabata na poder na Nicaragua. Depues a sigui un era di kambionan signifikativo pa e pais, manera kombatí analfabetismo, reformanan den e sektor di agrikultura i varios kambio revolushonario pa benefisio di e pueblo. [endif]