Den un konferensia di prensa, partido Pro Kòrsou a trese nan vishon dilanti den forma amplio i argumentá. “Kòrsou ta un komunidat inovadó, kaminda tin un kalidat di bida sólido ku ta duna tur siudadano oportunidat igual pa ta próspero, desaroyá su talento i abildatnan individual di un forma optimal”, esei ta e vishon dje partido. Pro Kòrsou ke mira kresementu di poblashon bon planifiká, ke digitalisá e aparato gubernamental i krea diferente “Zona Digital Liber” pa duna aseso den bario na kòmputer i internèt. Ademas e partido ke bini ku akshonnan konkreto riba áreanan di prioridat manera edukashon, gobernashon, infrastruktura ekonómiko, salubridat, naturalesa i medio ambiente, hustisia, relashon den reino i finansas públiko.