E rèper The Game a trese gèng i polisnan huntu.


Riba invitashon di e rèper The Game, lider di gèngnan na Los Ángeles a topa ku polis i habitantenan den fin di siman, pa papia riba violensia den barionan pober di e metropol. Via su kuenta riba Instagram, The Game a hasi un yamada na e lidernan di gèng pa papia riba e influensia ku nan tin riba hobennan den nan bario i kon por hasi pa nan ta mihó "role model" p’e hóbennan. “Nos a mata nos mes mas tantu ku kualke rasa den e pais akí. E porsentahe di hende koló skur ku ta mata otro hende di su koló ta gigantesko, kompará ku otronan ku ta mata nos. E kos ei ta hororoso i tin ku stòp”, asina e popular artista a deklará. Segun Hollywood Reporter durante e enkuentro The Game a konta di forma emoshoná, tokante morto di un miembro di gèng ku el a lanta kuné fo’i chikí den Compton. Despues di e enkuentro The Game a parti un pamflèt ku el a pidi miembronan di gèng pa firma. Ku esaki nan ta komprometé nan mes na stòp ku uso di violensia, pero tambe stòp ku uso di droga, stòp ku yamamentu di hende muhé “bitch” i sostené artistanan di kolo skur. Mas lat e la pone e dokumentu riba retnan sosial tambe. [if !supportLineBreakNewLine]

VIDEO : The Game ta papia di su prekupashon pa loke ta pasando.