top of page

Donald Trump ta presentá riba e promé anochi di enkuentro Republikano.


Apertura di e konvenshon Republikano a start ku poko difikultat pa Donald Trump, na momentu ku un grupo di estadonan presente a start un protesta den e arena pa purba stroba nominashon di Trump. Sinembargo sala a vota i e petishon pa “state-by-state roll call vote” a keda rechasá. E anochi a kontinuá ku presentashon di entre otro Rudy Guliani i un Mama di un dje víktimanan di Bengazi, ku a kulpa Hillary Clinton pa morto di su yu. E hailait di e anochi tabata ora Donald Trump mes, ku den un akto no usual, a presentá pa introdusí su kasá Melania Trump. E kasá di Donald Trump, no ta un hende ku ta gusta publisidat i komo tal tabata despues di dos siman ku el a bolbe paresé den públiko, pa sostené su kasá. Básikamente e liña kòrá den e diferente diskursonan riba e anochi a konsentrá riba e mensahe ku votadonan no por konfia Hillary Clinton. E enkuentro Republikano ta kontinuá hinter siman.

bottom of page