Brain Mariano lo no por kore pa 4 aña.


E atleta yu di Kòrsou, Brian Mariano (31) ta di skòrs pa Atletiekunie na Ulanda te ku 6 di febrüari 2020. No ta konosí ki supstansia Mariano a usa. El a aseptá su kastigu i lo no hasi uso di derecho pa apelá. Dia 6 di febrüari último a gara Mariano, durante e kompetensia internashonal na Mondeville, Fransia. Na fin di mei e organisashon di atletismo ulandes a hasi un denunsia na Stichting Instituut Sportrechtspraak, ku ta e instansia ku por duna un veredikto na midí den kasonan di “doping”. Debí ku Mariano a aseptá su kondena, Atletiekunie a disidí pa hala aden nan denunsia kontra e atleta. Mariano lo risibí un kastigu komun, ku sa duna den kasonan di dopahe. E periodo di suspenshon ta balido pa 4 aña ku forsa retroaktivo.