MAN ta mira nan mes komo sorpresa den elekshon.(video)


Den e siman tras di lomba Partido MAN a habri nan sede nobo riba Rooseveltweg den ambiente di hèpi òwer. Ademas di esaki MAN a tene un enkuentro den Rust & Burgh. Durante di e enkuentro lider di MAN, Hensley Koeiman a enfatisá un biaha mas ku su partido ta para pa transparensia i integridat. Otro miembronan ku a papia riba e atardi ta presidente nobo di e partido, Emil Walle, abogado Roy Botse ku a splika e parti hurídiko di e statutonan di MAN, lider di kampaña pa elekshon benidero, Mayra Coffie i Kenneth Gijsbertha ku a papia riba e último desaroyonan i próksimo aktividatnan pa MAN. Tabata notabel ku ta'tin vários kara nobo i tambe MANistanan di ántes, ku a bolbe presentá na aktividat di partido, despues di e kiebro entre MAN i e grupo di Charles Cooper. Den un ambiente positivo, MANistanan a premirá ku nan lo ta e sorpresa den prókimo elekshon.

FOTO : Ambiente na enkuentro di MAN den Rust & Burgh (Kortesia MAN)

VIDEO : Klek riba imágen pa skucha diskurso di

Hensley Koeiman na apertura di sede nobo di MAN.