KLM a kuminsá bula atrobe pa Istanbul.


Ministerio di Asuntunan Eksterior ulandes a suavisá e alerta pa buelo nan pa Turkia. En konekshon ku e intento di gòlpi di estado tabata deskonsehá biahé pa e siudatnan Ankara i Istanbul. E ministerio ta avisá biaheronan, pa ta alerta. No solamente na e siudatnan di Ankara i Istanbul, pero tambe na lokalidatnan turístiko. Tambe ta mihó pa evitá kaminda tin demostrashonnan i multitut di hende. Entretantu KLM a informá ku nan lo kuminsá bula pa Istanbul atrobe. Durante e intento pa e gòlpi estado na Turkia, KLM a opta pa kanselá su buelonan pa Istanbul. KLM lo hasi uso di avionnan mas grandi pa por transportá mas persona, entre otro esnan ku a keda pegá na Turkia debí na kanselashonnan di buelo. Ademas KLM a opta pa no laga nan pèrsonal pasa anochi na Turkia, debí na e situashon ku ainda ta insigur den e pais.