Aubert Wiels ta kere ku Kòrsou mes por mantené su mes.


E lema ku 1 Tim Magno ta bai elekshon 2016 kuné ta : “NOS POR”, asina lider di e partido, Aubert Wiels ta splika. Segun Wiels Kòrsou ta finansieramente independiente, sin ku nos mes sa i ta kere ku nos por yega na emansipashon total. Na 2015, pagadónan di belasten na Kòrsou a karga gastu di pais, ku 1.8 miart florin ku a drenta di belasten i dividendo di kompanianan manera entre otro Curoil. Segun Wiels, e fantasia ku Ulanda ta mantené nos, no ta bèrdat. Ulanda lo a kontribuí ku apénas 18 mion pa Defensa i Wardakosta. Komo tal 1 Tim Magno ta bai kampaña ku e vishon ku nos mes por kuida nos pais. E partido ku a lanta 3 aña pasá, ta pa sigui e lucha emansipatorio di Helmin Wiels, asina Aubert Wiels a deklará.