A detené diputado Clark Abraham na Boneiru.

Den e oranan di djasabra atardi a detené diputado Clark Abraham na Boaneiru. El a kaba di yega riba e buelo di KLM, despues di un bishita di trabou na Ulanda, ora ku un abogado tabata ward’é pa nan a papia i despues na a sigui huntu pa warda di polis na Playa.
 
 
 Diputado Abraham a drenta warda den oranan di anochi pa un interogashon relashoná ku un keho ku keda entregá pa su kasá. Según e emisora boneriano Live 99, tin indikashon ku ta trata di un kaso di violensia doméstiko.
 
 
 Diputado Abraham a presentá na warda di polis, kompaña pa miembro di Konseho Insular na Boneiru, Michael Pieters. Mas lat e mama di Abraham tambe a presentá pa pone su mes na altura di loke a pasa.
 

Despues di e interogashon, diputado Abraham a keda detené.