Redakshon NP
Djadumingu anochi, alrededor di kuatu pasá di djesun, sentral di polis mester a dirigí un unidat pa Yukonweg debí ku un kas tabata na kandela.
Na yegada, outoridatnan a konstatá ku ta trata di un kas di palu ku a keda kompletamente destruí pa kandela.
Unidatnan di bombero ku a yega na e sitio a kuminsá paga e kandela, pero no por a evitá ku e kas a kima por kompletu.
Un hòmber habitante di e kas a deklará ku un ratu promé el a sali kas i laga su pareha huntu ku un kachó den kas. E kas no tabatin koriente i nan ta hasi uso di bela pa asina tin poko klaridat den kas.
Durante trabounan pa paga e kandela, personal di bombero a topa ku un kurpa karbonisá i sin bida den e kas. Dòkter di polis a yega na e sitio pa konstatá morto di e dama. Riba òrdu di fiskal di ministerio públiko a konfiská e kurpa pa mas investigashon. Kousa di e kandela ta den investigashon.