Amparo Dos Santos ke pa Kòrsou bira independiente.

E lider polítiko di partido Kòrsou di Nos Tur tambe ta di opinion ku Kòrsou mester bira independiente. Den un komberashon ku korant Vigilante, Amparo Dos Santos a indiká ku Kòrsou mester hasi meskos ku St.Eustatius. Segun Dos Santos, Kòrsou tin tur kos i ta produsí sufisiente entrada. Paisnan mas chikí ku Kòrsou mes ta independiente, ta kiko falta nos, asina e Parlamentario a deklará. Amparo Dos Santos ta haña ku na lugá di bringa venezolanonan, mester mira kon ta logra haña nan pa invertí na Kòrsou. Segun Dos Santos, venezolanonan ta bai Merka i hasi invershonnan kuantioso, pues mester por logra haña nan aki tambe.
 
 
 Dos Santos no a indiká den kuantu tempu o kon e ta mira Kòrsou bira independiente.
 [if !supportLineBreakNewLine]
 [endif]